دبوس حاااااار .. غرف الخونة الإعلامية تعمل على إحباط الروح المعنوية للشعب السودانى

الحرب كر وفر …
اليوم تكسب معركة وغدا تخسر الأخرى …
وفى الآخر النصر لنا بإذن الله الواحد الأحد …
شيلووووو الصبر شوية …
الآن المتمردون يتم مطاردتهم من أى موقع يفروا منه وتجدهم يبحثون عن قرية طرفية أو مدينة طرفية فيقتلوا المواطنين فيها ويسرقوا ممتلكاتهم وعندما تأتى عليهم قواتنا المسلحة يفروا منها …
مااا تستمعوا يا شرفاء إلى الكلام الفارغ ده …
الجيش والقوات النظامية الأخرى والمقاومة الشعبية الآن شغالة فيهم نفض ذى النفض فى كل المحاور …
والبيقولوهو ده كله عشان يعملوا فجوة كبيرة بينكم وبين جيشكم …
والأيام دى غرفهم كلها بتتكلم عن المفاوضات …
يا أخى بنفاوض على ما ينفع السودان وشعب السودان …
وبنفاوض لكن ما ح نبتعد مما تم الإتفاق عليه فى منبر جدة …
وقد توقفنا فيه بخروج الدعم السريع المتمرد من المدن والمرافق الخدمية ومن منازل المواطنين …
قولوا للخونة والعملاء ح نمشى وح نفاوض وح نستمع لى أى منبر ينادينا للتفاوض مع العلم أن تنطلق المفاوضات إبتداءا على ما تم الإتفاق عليه فى منبر جدة …
عارفين لييييييييه ؟؟؟
لأن عدم إستجابة حكومة السودان لنداءات التفاوض لوقف الحرب هو ما يريده الخونة والعملاء ومايريده أعداء السودان من الدول الطامعة فى ثروات بلادنا …
وح يقولوا الجيش السودانى رافض لأى مفاوضات لوقف الحرب فى السودان …
وبعداك هاك يا منظمات …
وهاك يا مجلس أمن … وهاك يا توقيع عقوبات على الجيش السودانى …
وهاك يا حظر للتسليح …
خليك صاحى وادعم جيشك وحكومتك يا سودانى يا أصيل …
كلنا جيش …
ومعركة الكرامة دى معركتنا كلنا …
جيش واحد …
شعب واحد …
🖋️د.أحمدمنصورالمحامي …