ده إسمو البرهان منقذ السودان ـ د.أحمد منصور المحامى

ده إسمو البرهان منقذ السودان بفضل الرحمن من شرور الدعامة وبنى قحطان … لو بتتذكروا زمااان لما الدبوس الحااااار كان بيقول القول فى البرهان وبيشكر فوقو …
كانت هنالك أصوات نشاذ وللأسف معها بعض الوطنيين الشرفاء وكان بيردوا على فى العام والخاص ويقولوا :
يا أخى ده ما ح يعمل حااااجة للسودان …
وأنا كان بقول ليهم بس إنتو شيلو الصبر وروقو المنطقة وح تشوفوا منه ما يسعدكم ويفرحكم ويسركم …
وإبرة الحفر دى ح تنقلب لى جاك همر …
وفجأة …
قااام رفع البرهان يده الشمال وصار يربط الصامولة بيده اليمين حتى وصلت الصامولة لى يده الشمال ثم كبس يده اليمين على يده الشمال …
وبعدها عرف كل من لا يعرف بأن البطل والقائد البرهان قد فك اللجام وقد حان وقت البل والمتك والجغم والإنتقام …
أهاااا يا جماعة قولوا الحق والرجوع للحق فضيلة !!!
لقيتو البرهان كيييييف ؟؟؟
لسان حالكم بيقول :
لقيناهو👍 …
وطبعا لقيتو كمان خطابو فى الجمعية العامة بيعدل الكيف !!!
سأظل أردد أغنية الدبوس المشهورة فى البرهان والتى تقول :
دو دو بى كده يا البرهون …
يحفظك ربى يا كاكى اللون …
وسيظل البرهان هو البرهان ملك الطلس والتوهاااان …
وسيتم تسجيل هذا الأسم فى تاريخ السودان …
ولا مو هيك يا ناس كده وكده …
ها ها ها ها هااااااااااااااى …
تقولوا كسير تلج …
تقولوا ألواح تلج …
تقولوا مصنع تلج …
ولا أقول ليكم قولوا القطب الشمالى والجنوبى عديل كده …
… أخيراً …
شتان ما بين صامولة البرهان وصامولة وجدى السجمان …
صامولة وجدى السجمان كانت للحل …
وصامولة الجنرال البرهان كانت للبل …
ده البرهان ملك الحل والبللان …
غايتووووووو …
الظاهر كلنا فاتت علينا بأن لجنة الظلم والتشفى سيئة الذكر والسيرة كانت بتقصد على لسان عرابها وجدى صامولة ( وجدى أب زقله ) بأن يحل السودان صامولة صامولة وليس المقصود بحل الكيزان صامولة صامولة !!!
وبالفعل ما نحن فيه اليوم هو خير دليل على صدق ما أقول …
يا سبحان الله !!!
شفت لى حااااجة عجيبة خلاص …
والله العظيم سمعت أمس شاب بيقول لى شاب آخر يا أخى إنت وجدى ساااكت …
وبى سرعة فائقة تدخلت عشان أعرف الشمار الحار الفيهو إسم وجدى ده شنو ؟؟؟
وقلت ليهو يا ولد إنت بتقصد شنو بى إنت وجدى سااااى !!!
قال لى يا عمك إنت وجدى ساااى معناها إنت زول كضاب …
والغريبة ما بيعرف وجدى صالح …
سبحان الله يعرفون صفته ولا يعرفون شخصيته …
وجدى أب زقلة معناها وجدى الكضاب …
حتى إسمك صار للسخرية يا وجدى …
ستصرخوووووووووون …

📌دبوس حااااار

🖋د.أحمد منصور المحامى …