ماذا تعرف عن حمى الضنك؟

حمى الضنك(Dengue Fever) او الدنجية او أبو الركب حمى تكسير العظام(breakbone fever) هو مرض مداري منقول بالبعوض سببو فايروس الضنك وهي السبب الرئيسي البأثر ع نخاع العظم وبم انو النخاع العظمي هو مركز تصنيع خلايا الدم علشان كده اي خلل فيه ح يحصل نقص ف خلايا الدم بالتالي بتنخفض عدد الصفائح الدمويه.
يبقى لازم تتغذو تغذيه تعزز المناعه وتزيد عدد صفائح الدم ح اركز ليكم ع النقطتين ديل
_ الخضروات المسلوقه
_الاطعمه الغنية بالبروتين مثل البيض واللحوم واذا مريض حمى الضنك عندو نقرس “Gout” يفضل اللحوم البيضاء فقط ويدخل لي دايركت
_فيتامين B12
السمك ومنتجات الألبان ولحم البقر
_فيتامين C
بساعد الجسم ف امتصاص الحديد بالتالي بزيد عدد الصفائح الدمويه بتلقي ف الطماطم والبرتقال والليمون والاناناس والجوافه والفلفليه
_الحديد بساعد ف إنتاج خلايا الدم ذي البلح والخضروات الورقيه الخضراء ولحم البقر والعدس القمح والفواكه المجففه ذي الزبيب (ممكن تاكلوه ساي ويستحسن تنقعو بالليل ف مويه والصباح اشربوا ع الريق)
⭕م تتعرضو لاشعه الشمس والأماكن السخنه محتاجين لمكان رطب قدر م تلقو مجال +اتجنبوا الأسبرين وكل الادويه البتحتوي ع اسبرين و الايبوبروفين بسبب خصائصها المضاده للتخثر..
⭕البطيخ بحتوي ع ألياف ومويه بتساعد ف ترطيب الجسم وتمعدنه لازم تاكلو بطيخ لانو حمى الضنك بتعمل جفاف ف بالتالي الجسم محتاج يترطب.
⭕الحليب مهم جدا بالذات اذا اضفتو ليو كركم بعزز عملية التمثيل الغذائي او الحليب اغلو فيه حلبه بتهدي الأعصاب وبتخفف الألم وبتخفض درجه الحراره.
⭕الرمان يخوانا سحري اذا اتوجد حاليا من أكثر الفواكه الصحيه لحمى الضنك مليان بالعناصر الغذائيه والفيتامينات والمعادن البتمد الجسم بالطاقه وبقلل التعب والارهاق.
⭕الموز غني بالبوتاسيوم وممتاز للطاقه بساعد ف منع الجفاف.
⭕نصف كبايه من عصير البرتقال 2 _ 3 ملعقه من عصير الليمون + ملعقة عسل .
يجماعه…لو عندكم مريض مصاب بحمى الضنك ما يبلع أيبروفين(أي المسكن اللونو بمبي دا) وما يأخذ أي مسكن من نوع ال سواء كانت او لأنو بسارعوا في الوصول للنزيف يعني لو الزول ما وصل مرحلة النزيف بتوصلو مرحلة النزيف سريع في ناس كتيرة وصلت لمرحلة النزيف بسبب المسكنات دي ف اعملو حسابكم و خليكم حريصين*
*مريض حمى الضنك بدوهو درب بندول او حبوب بندول.